Afsláttur býðst af ferð til Riga í Lettlandi dagana 26.-29. október nk. Flogið er frá Keflavík og Akureyri.
Tilboðið hljóðar upp á 4000 kr. afslátt af skráðu verði og 15% afslátt af skoðunarferðum. Tilboðið gildir fyrir félagsmenn í Norræna félaginu og maka þeirra.
Frekari upplýsingar um ferðina er að finna hér: http://www.transatlantic.is/lettland
Þeir sem vilja nýta sér þessi tilboð geta haft samband við Omar Banine hjá Trans-Atlantic á netfangið omar@transatlantic.is eða í síma 5888900.
Umsóknarfrestur um styrki frá Sænsk-íslenska samstarfssjóðnum rennur út 1. febrúar nk. Póstsstimpill gildir. Þeir sem hyggja á sænskt samstarf á komandi mánuðum eru hvattir til að búa sig nú þegar undir umsóknarskil. Frekari upplýsingar um sjóðinn má finna á www.nordiskafonder.se.
Norræna félagið á Íslandi óskar félagsmönnum sínum, vinum og velunnurum gleðilegra jóla og farsældar á komandi ári.
Skrifstofa félagsins er lokuð til 3. janúar.
Sif Gunnarsdóttir forstöðumaður Höfuðborgarstofu hefur verið ráðin forstjóri Norðurlandahússins í Færeyjum. Hún hefur þar störf 15. janúar nk. Við óskum henni velfarnaðar í nýju starfi.
Stillingen som direktør for Nordens Hus på Færøerne bliver ledig fra 1. januar 2013.
Vi forventer, at du er en begavet generalist med erfaring som leder, og at du har en akademisk uddannelse. Du har erfaring med politisk drevne organisationer samt erfaring i at samarbejde med det politiske system i stat og kommune. Du har økonomisk indsigt og talent for forretningsudvikling. Du skal kunne arbejde på enten dansk, norsk eller svensk. Kendskab til færøske forhold og det færøske sprog er en fordel. Du forstår og værdsætter værdien af stærke relationer, og formår at få organisationens dygtige og dedikerede medarbejdere med dig i den fortsatte udvikling af Nordens Hus.
Nordens Hus er Færøernes førende kultur- og konferencecenter som for nylig er udvidet med en ny konference og mødeafdeling med plads til op til 300 personer. Ansættelsen gælder for en femårig periode med mulighed for forlængelse i 3 år yderligere. Løn- og ansættelsesforhold i henhold til Nordisk Ministerråds regler.
Ansøgning samt bilag og referencer sendes til job@nlh.fo inden den 1. juli. Har du brug for yderligere oplysninger kan du kontakte dir. Niels Halm på telefon 00298213900 eller dir. Steen Vidø MercuriUrval på mobil 004524414060.
Bogi Ágústsson fréttamaður fjallaði nýlega um stöðu norrænna tungumála í norrænu samstarfi í fimm pistlum í Speglinum í Ríkisútvarpinu. Mörgum virðist sem þekkingu Norðurlandabúa á tungumálum nágrannaþjóðanna hafi hrakað. Bogi kannaði þetta í pistlaröðinni sem og raunverulega notkun norrænu tungumálanna og hvort enska sæki á í norrænu samstarfi.
Fyrsti pistillinn fjallar að mestu leyti um stöðu sænskunnar í Finnlandi. Líkt og dönskukunnátta virðist á undanhaldi Íslandi er sænskan á undanhaldi í Finnlandi. Og líkt og yfirvöld menntamála á Íslandi ákváðu að enska skyldi vera fyrsta erlenda tungumál í stað dönsku hafa Finnar dregið úr vægi sænskunnar í skólum. Hér má hlusta á pistilinn: Norræn tungumál 1
Annar pistillinn er með nokkur dæmi um ágengni ensku í norrænu samstarfi, en fjallar að mestu um hvort Danir, Norðmenn og Svíar skilji tungumál hinna þjóðanna, en er það svo í raun? Hér má hlusta á pistilinn: Norræn tungumál 2
Í þriðja pistlinum er rætt við Brynju Stefánsdóttur, cand mag í dönsku. Hún gerði samanburðarrannsókn á notkun Íslendinga á skandinavískum tungumálum í norrænu samstarfi. Niðurstaða hennar er að notkunin sé ekki á undanhald þó að enska sé mikið notuð, einkum í viðskiptalífinu. Hér má hlusta á pistilinn: Norræn tungumál 3
Fjórði pistillinn fjallar um forn, útdauð norræn tungumál og þar er aðalviðmælandi Aðalsteinn Davíðsson, fyrrverandi málfarsráðunautur Ríkisútvarpsins. Hér má hlusta á pistilinn: Norræn tungumál 4
Í fimmta pistlinum er rætt við Jørn Lund, sem er er forstöðumaður Det danske sprog og literaturselskab og fyrrverandi kennari og prófessor í dönsku við Hafnarháskóla og Kennaraháskóla Danmerkur. Hann telur að veruleg hætta stafi af ensku og markvissra aðgerða sé þörf til að verjast ásókn ensku. Hér má hlusta á pistilinn: Norræn tungumál 5
Afsláttur býðst af ferðum til Riga í Lettlandi og Tallinn í Eistlandi í haust.
Ferðin til Riga er dagana 25.-28. október nk. Flogið er frá Keflavík ogEgilsstöðum. Ferðin til Tallinn er dagana 18.-21. október nk. Flogið er frá Keflavík og Akureyri.
Tilboðið hljóðar upp á 4000 kr. afslátt af skráðu verði. Tilboðið gildir fyrir félagsmenn í Norræna félaginu og maka þeirra. Frekari upplýsingar um ferðirnar er að finna hér: http://www.transatlantic.is/lettland og hér: http://www.transatlantic.is/eistland.
Við bendum líka á að það býðst flug aðra leiðina til Tallinn í Eistlandi á 19.900 kr. með sköttum. Flogið er 28. júní. Hægt er að koma sér heim aftur með ýmsu móti og Trans-Atlantic tekur að sér að skipuleggja heimferðina fyrir þá sem vilja.
Þeir sem vilja nýta sér þessi tilboð geta haft samband við Omar Banine hjá Trans-Atlantic á netfangið omar@transatlantic.is eða í síma 5888900.
Nú er húsnæðið okkar loksins orðið klárt og kominn tími á að bjóða upp á tungumálanámskeið að nýju.
Norska
Byrjendanámskeið í norsku verður haldið í mars og apríl. Á námskeiðinu verður lögð áhersla á orðaforða og hagnýta kunnáttu. Kennari er Hermann Bjarnason.
Tími: Á þriðjudögum 20. og 27. mars, 10. 17. og 24. apríl 2012 kl. 18:00-19:30, alls tíu 45 mínútna kennslustundir. Hlé verður gert á kennslunni í dymbilviku.
Staður: Húsnæði Norræna félagsins, Óðinsgötu 7, 101 Reykjavík.
Sænska
Byrjendanámskeið í sænsku verður haldið í mars og apríl. Á námskeiðinu er lögð áhersla á orðaforða og hagnýta kunnáttu. Kennari er Adolf Hólm Petersen.
Tími: Á miðvikudögum 28. mars og 11., 18. og 25. apríl 2012 kl. 17:30 – 19:30, alls tíu 45 mínútna kennslustundir. Hlé verður gert á kennslu í dymbilviku.
Staður: Húsnæði Norræna félagsins, Óðinsgötu 7, 101 Reykjavík.
Námskeiðin er eingöngu ætlað félagsmönnum í Norræna félaginu sem greiða 6.500 krónur í þátttökugjald fyrir hvert námskeið. Auðvelt er að gerast félagi í Norræna félaginu. Félagsaðild í Norræna félaginu kostar 2.900 kr. á ári / 1.450 kr. fyrir 18-27 ára og 67 ára og eldri. Greiða þarf þátttökugjald áður en námskeið hefst. Skráning á námskeiðið fer fram hjá Norræna félaginu í síma 5510165 og á netfanginu alfdis@norden.is.
Fyrirhugað er síðdegisnámskeið þar sem Nordjobb umsækjendum er leiðbeint gegnum umsóknina. Farið verður yfir hvernig gera má ferilskrá svo að hún skili sem bestum árangri og hvernig á að skrifa og fylgja eftir Nordjobb umsókn ásamt því að bent verður á það sem þarf að hafa í huga þegar flutt er til nýs lands. Auk þess verður litið á lögmál vinnumarkaðarins og afstöðu vinnuveitenda þegar ráða á í störf.
Nordjobb miðlar sumarstörfum, húsnæði og tómstundadagskrá til ungs fólks á aldrinum 18 – 28 ára sem vilja kynnast hinum Norðurlöndunum betur.
Þátttaka er ókeypis – Takmarkað húsrúm. Skráning fer fram á reykjavik@nordjobb.net.
Staður: Norræna félagið, Óðinsgötu 7
Stund: Miðvikudaginn 14. mars, kl. 16.30-18.00.
Skipuleggjendur: Nordjobb á Íslandi og Halló Norðurlönd
Islex orðabókin er viðamikið verk á netinu sem opnað var þann 16. nóvember sl. á Degi norrænnar tungu. Viðfangsmálið er íslenska en sænska, norskt bókmál, nýnorska og danska eru markmál.
Halldóra Jónsdóttir verkefnisstjóri og Þórdís Úlfarsdóttir ritstjóri munu kynna orðabókina á hádegisfyrirlestri sem haldinn er í tilefni af 90 ára afmæli Norræna félagsins á Íslandi. Fyrirlesturinn er annar í röð fyrirlestra sem Norræna félagið og Þjóðminjasafn Íslands munu standa fyrir á afmælisárinu um norrænt samstarf á breiðum grundvelli.
Fyrirlesturinn verður haldinn miðvikudaginn 22. febrúar nk í fyrirlestrasal Þjóðminjasafns Íslands og hefst kl. 12:05. Aðgangur er ókeypis og allir velkomnir.