Archive for the Viðburðir Category

Málþing um stöðu ungs fólks

By on 14/05/2013

Staða ungs fólks á Norðurlöndum
Brottfall úr skóla – möguleikar á vinnumarkaði

Nordens Välfärdscenter NVC og Norræna félagið á Íslandi bjóða til málþings um stöðu ungs fólks á vinnumarkaði og brottfall úr skóla í Norræna húsinu fimmtudaginn 23. maí 2013 kl 09.00-11.00.
Meginþema málþingsins verður nýútkomin skýrsla “Unge på kanten” sem unnin var fyrir Norrænu ráðherranefndina. Bjørn Halvorsen verkefnastjóri skýrslunnar kynnir niðurstöður hennar ásamt Jenny Tägtström.
Terje Olsen verkefnastjóri Þekkingarbankans kynnir nýjan vef kunnskapsbanken.org sem fer í loftið 16. maí n.k. Kunnskapsbanken.org er upplýsingavefur um nám og atvinnumöguleika, rannsóknir og velheppnuð verkefni. Þessi hluti málþingsins fer fram á ensku.

Til að kynna stöðu mála á hér á landi og gera samanburð á stöðu Íslands og hinna Norðurlandanna verða pallborðsumræður með stuttum erindum þátttakenda:

• Gestur Guðmundsson prófessor við Háskóla Íslands
• Sigrún Harðardóttir framhaldsskólakennari og starfs- og námsráðgjafi við Menntaskólann á Egilsstöðum
• Þorbjörn Jensson forstöðumaður Fjölsmiðjunnar
• Kristjana Stella Blöndal lektor við Háskóla Íslands
• Tryggvi Haraldsson verkefnastjóri Atvinnutorgs í Reykjavík
• Kristín Ólafsdóttir framkvæmdastjóri Föreningarna Nordens Forbund

Þessi hluti málþingsins fer fram á íslensku.

Fundarstjóri er Þorlákur Helgason

Málþingið er öllum opið
Skráning fer fram á norden@norden.is

This entry is filed under Félagsstarf, Viðburðir and tagged , , .

Frú Vigdís Finnbogadóttir hlýtur Peruna

By on 17/04/2013

Frú Vigdísi Finnbogadóttur var afhent Peran við hátíðlega athöfn í Norræna húsinu á degi Norðurlanda 23. mars sl.  Það er í fjórða skipti sem þessari heiðursviðurkenningu Norræna félagsins á Íslandi er úthlutað. Við sama tækifæri var henni afhent gullmerki Norræna félagsins.

Hér má sjá myndir frá athöfninni.

Myndir: Kristbjörg Erla Hreinsdóttir.

Ragnheiður H. Þórarinsdóttir formaður Norræna félagsins á Íslandi afhendir frú Vigdísi Finnbogadóttur Peruna, heiðursverðlaun Norræna félagsins.

Frú Vigdís með Peruna

 

Frú Vigdís Finnbogadóttir hefur veitt Perunni viðtöku

Allir Peruhafar

 

 

 

 

Peruhafar frá upphafi allir saman. Frá vinstri Unnar Stefánsson, frú Vigdís Finnbogadóttir, Anna Einarsdóttir, Þorvaldur S. Þorvaldsson.

This entry is filed under Félagsstarf, Viðburðir and tagged , , .

Upplýsingafundur um flutning til Noregs

By on 05/04/2013

Vegna mikillar aðsóknar á upplýsingafund um flutning til Noregs í mars síðastliðnum standa Halló Norðurlönd og EURES fyrir viðbótarfundi um að flytja til Noregs. Fundirnir henta þeim sem hyggjast flytja vegna vinnu, náms eða annarra erindagjörða og eru ókeypis og öllum opnir. Farið verður yfir hagnýt atriði varðandi flutning og atvinnuleit auk þess sem fulltrúi frá Ríkisskattstjóra kynnir skattamál.

Noregsfundurinn verður haldinn mánudaginn 8. apríl  kl. 17:30 og tekur rúmlega tvo tíma.

Upplýsingafundurinn fer fram í húsnæði Vinnumálastofnunar, Kringlunni 1.

Skráning er nauðsynleg á netfanginu hallo@norden.is og í síma 511 1808.

This entry is filed under Halló Norðurlönd, Námskeið, Viðburðir and tagged , , .

Tungumálanámskeið

By on 05/04/2013

Í apríl og maí mun Norræna félagið bjóða upp á grunnnámskeið í sænsku og grunn- og framhaldsnámskeið í norsku. Á námskeiðunum verður lögð áhersla á orðaforða og hagnýta kunnáttu.

Norska:
Kennari er Hermann Bjarnason.
Grunnnámskeið: miðvikudagar kl. 17:30-19:00, alls fimm skipti 10., 17. og 24. apríl og 8. og 15. maí 2013.
Framhaldsnámskeið: fimmtudagar kl. 19:45-21:15, alls fimm skipti 11. og 18. apríl 2., 16. og 23. maí 2013.

Sænska:
Kennari er Adolf Hólm Petersen.
Grunnnámskeið: fimmtudagar kl. 18:00-19:30, alls fimm skipti 11. og 18. apríl 2., 16. og 23. maí 2013.

Staðsetning: Norræna félagið, Óðinsgötu 7, 101 Reykjavík.
Skráning á námskeiðin fer fram í síma 551-0165 og á netfanginu valdis@nordenis. Námskeiðin eru eingöngu ætluð félagsmönnum í Norræna félaginu sem greiða 6.500 krónur í þátttökugjald. Auðvelt er að gerast félagi í Norræna félaginu.

Félagsaðild í Norræna félaginu kostar 2.900 kr. á ári / 1.450 kr. fyrir 18-27 ára og 67 ára og eldri. Greiða þarf þátttökugjald áður en námskeið hefst. Námskeiðið fellur niður ef lágmarksþátttökufjöldi næst ekki.

This entry is filed under Félagsstarf, Námskeið, Viðburðir and tagged , , , .

Með kærri kveðju til Kulusuk

By on 22/03/2013

Laugardaginn 23. mars klukkan 14 verða haldnir stórtónleikar í Eldborg í Hörpu, þar sem margir þekktustu tónlistarmenn og hljómsveitir landsins stíga á svið í þágu íbúa Kulusuk á Grænlandi, en tónlistarhúsið í þorpinu brann til grunna í fárviðri á dögunum.

Ókeypis aðgangur er að tónleikunum, en þar verður safnað fjárframlögum og hljóðfærum, svo aftur megi óma tónlist í Kulusuk.

Meðal þeirra tónlistarmanna og hljómsveita sem koma fram í Eldborg á laugardaginn eru Agent Fresco, Digraneskórinn, DJ Margeir, Fóstbræður, Haffi Haff, Jakob Frímann Magnússon, KK, Morgan Kane, Pálmi Gunnarsson, Ojba Rasta, Sam Sam, Sísy Ey, Sykur, Unnur Eggertsdóttir og Þórunn Antonía. Heiðursgestir á tónleikunum eru grænlensku tónlistarmennirnir Anda Kuitse, Anton Sianiale og Efraim Ignatiessen sem koma hingað til lands frá Kulusuk.

KALAK, vinafélag Íslands og Grænlands, stendur að tónleikunum í Eldborg í samvinnu við fjölmarga velunnara Grænlands á Íslandi. Helstu bakhjarlar eru Flugfélag Íslands, Harpa tónlistarhús, Guide to Iceland, Skákakademían og Tónastöðin.

KALAK hefur opnað söfnunarreikning vegna brunans mikla í Kulusuk, sjá nánar á www.kalak.is

This entry is filed under Viðburðir and tagged , .

Peran afhent á degi Norðurlanda

By on 15/03/2013

This entry is filed under Félagsstarf, Viðburðir and tagged , , , .

Með lest um danska sögustaði

By on 31/01/2013

Norræni járnbrautaklúbburinn sem starfræktur er í Danmörku stendur í sumar fyrir ferð eftir vesturströnd Jótlands með lest sem áður var í notkun í Noregi. Ferðalagið hefst í Kaupmannahöfn þann 11. ágúst og lýkur 17. ágúst á sama stað. Á þessum dögum verða heimsóttir margir sögufrægir og áhugaverðir staðir, t.d. Jótlandssteinarnir, Vedersø Præstegård og Hanstholmvirkið. Dagskrána má nálgast á heimasíðu klúbbsins, en skráning fer fram á netfanginu mail@nojk.dk til 1. maí nk.

This entry is filed under Félagsstarf, Viðburðir and tagged , , .

Norræn áhrif í íslenskri byggingarlist

By on 14/01/2013

Hjörleifur Stefánsson arkitekt heldur erindið  ,,Norræn áhrif í íslenskri byggingarlist á fyrri öldum” í fyrirlestrasal Þjóðminjasafns Íslands miðvikudaginn 16. janúar, kl. 12.05. Hér er eftir miklu að slægjast fyrir áhugafólk um íslenska byggingarlistasögu enda er Hjörleifur þekktur fyrir rannsóknir sínar og skrif á því sviði.

Erindið er hluti af fyrirlestrarröð sem Norræna félagið heldur í samvinnu við Þjóðminjasafn Íslands sem spannar allt árið og nefnist Hinar ýmsu hliðar norræns samstarfs.

Norræna félagið á Íslandi leit dagsins ljós árið 1922 og var því 90 ára á árinu 2012. Fyrirlestarröðin er hluti af afmælisdagskrá félagsins.

Aðgangur er ókeypis og allir velkomnir.

This entry is filed under Afmælisár, Viðburðir and tagged , , .

Safnastarf á Íslandi í norrænu samhengi

By on 22/11/2012

Margrét Hallgrímsdóttir, þjóðminjavörður, heldur erindi í fyrirlestrasal Þjóðminjasafns Íslands miðvikudaginn 28. nóvember, kl. 12.05. Hún segir frá reynslu sinni af norrænu samstarfi og hvers virði það hefur verið í uppbyggingu Þjóðminjasafns Íslands.

Erindið er hluti af fyrirlestrarröð sem Norræna félagið heldur í samvinnu við Þjóðminjasafn Íslands sem spannar allt árið og nefnist Hinar ýmsu hliðar norræns samstarfs.

Norræna félagið á Íslandi leit dagsins ljós árið 1922 og er því 90 ára á árinu 2012. Fyrirlestarröðin er hluti af afmælisdagskrá félagsins.

Aðgangur er ókeypis og allir velkomnir.

This entry is filed under Afmælisár, Félagsstarf, Viðburðir and tagged , , .

Margbreytileiki á Norrænu bókasafnavikunni

By on 07/11/2012

Norræna bókasafnavikan verður haldin dagana 12.-18. nóvember. Ríflega 100 íslensk almennings- og skólabókasöfn auk annarra stofnana og félagasamtaka eru skráð til þátttöku. Allar líkur eru á að þér muni bjóðast góð dagskrá í næstu viku á bókasafni í nánasta umhverfi.

Þema ársins er Margbreytileiki á Norðurlöndunum. Upplestrartextar ársins eru Flóttamaðurinn á hindberjabátnum eftir Miika Nousiainen, sjálfsævisagan Ég er Zlatan Ibrahimovic og Lilli klifurmús og hin dýrin í Hálsaskógi eftir Thorbjørn Egner.

Norræna félagið leggur sérstaka áherslu á ævisögu Zlatan Ibrahimovic í ár því við viljum stuðla að auknum lestri unglingspilta. Við skipuleggjum dagskrá í Norræna húsinu í samstarfi við bókasafnið.

Lesið meira um Norrænu bókasafnavikuna á heimasíðu verkefnisins.

This entry is filed under Norræna bókasafnavikan, Viðburðir and tagged , , , .

Older Entries »