Norræna félagið

Norræni járnbrautaklúbburinn sem starfræktur er í Danmörku stendur í sumar fyrir ferð eftir vesturströnd Jótlands með lest sem áður var í notkun í Noregi. Ferðalagið hefst í Kaupmannahöfn þann 11. ágúst og lýkur 17. ágúst á sama stað. Á þessum dögum verða heimsóttir margir sögufrægir og áhugaverðir staðir, t.d. Jótlandssteinarnir, Vedersø Præstegård og Hanstholmvirkið. Dagskrána má nálgast á heimasíðu klúbbsins, en skráning fer fram á netfanginu mail@nojk.dk til 1. maí nk.