Posts tagged halló norðurlönd

Ertu að flytja til Noregs, Danmerkur eða Svíþjóðar?

By on 15/03/2013

Halló Norðurlönd og EURES standa fyrir upplýsingafundum um að flytja til Noregs, Svíþjóðar og Danmerkur. Fundirnir eru ætlaðir öllum þeim sem hyggja á vinnu eða nám í þessum löndum og eru ókeypis og öllum opnir. Farið verður yfir hagnýt atriði varðandi flutning og atvinnuleit auk þess sem fulltrúi frá Ríkisskattstjóra kynnir skattamál.

- Mánudaginn 18. mars kl. 18:00: Að flytja til Noregs
- Miðvikudaginn 20. mars kl. 18:00: Að flytja Svíþjóðar
- Miðvikudaginn 20. mars kl. 20:30: Að flytja til Danmerkur

Námskeiðin fara fram í húsnæði Vinnumálastofnunar, Kringlunni 1. Skráning á netfanginu hallo@norden.is og í síma 511 1808.

This entry is filed under Halló Norðurlönd, Námskeið and tagged , .

Kvikmyndasamkeppni Halló Norðurlanda

By on 20/09/2012

Vissir þú að Norðurlöndin eru einn stór vinnumarkaður? Að hægt er að stunda nám og sækja um vinnu í öðru norrænu ríki?

Þú getur gerst norrænn kvikmyndaleikstjóri
Segðu frá hreyfanleika á Norðurlöndum í stuttmynd og þú átt möguleika á því að vinna fyrstu verðlaun sem eru 3.000 evrur. Það er í lagi að taka myndina upp á símann eða með myndbandsvél – gæðin skipta ekki máli, það er hugmyndin sem við ætlum að verðlauna.

Svona á að gera:
Tilbúnum myndum þarf að hlaða upp á http://film.norden.org/ í síðasta lagi kl. 24.00 þann 19. október 2012. Á sömu síðu má lesa sér til um þær kröfur sem gerðar eru til myndanna. Tíu bestu myndirnar verða svo sýndar á kynningarbás Halló Norðurlanda á Norðurlandaráðsþinginu.

This entry is filed under Halló Norðurlönd and tagged , , , , , .

Flutningsnámskeið á Akureyri

By on 30/05/2012

Upplýsingafundur um flutning til hinna Norðurlandanna

Upplýsingaþjónusta Norrænu ráðherranefndarinnar, Halló Norðurlönd, vekur athygli á upplýsingafundi á Akureyri ætluðum fólki sem hyggur á
flutning til hinna Norðurlandanna. Fundurinn er haldinn í samvinnu við Eures, evrópska vinnumiðlun, og Norrænu upplýsingaskrifstofuna á Akureyri.

Á upplýsingafundinum verður farið yfir helstu atriði sem hafa þarf í huga við flutning til hinna Norðurlandanna. Fulltrúi frá upplýsingaþjónustu Norrænu ráðherranefndarinnar, Halló Norðurlönd, fer yfir hagnýt atriði á borð við húsnæðisleit, útvegun kennitölu og sjúkratryggingar og fulltrúi frá Eures veitir góð ráð varðandi atvinnuleit og atvinnuleysistryggingar. Þátttakendum gefst færi á að bera fram spurningar.

Tímasetning: Fimmtudagurinn 7. júní kl. 17:00-19:00.
Staðsetning: Funda- og veitingasalur á 4. hæð, Skipagötu 14, Akureyri.
Upplýsingafundurinn er ókeypis fyrir þátttakendur, öllum opinn og hentar jafnt þeim sem flytja vegna atvinnu, náms eða annarra erindagjörða.
Hafa ber í huga að nauðsynlegt er að skrá sig á námskeiðið fyrir 6. júní á netfanginu mariajons@akureyri.is eða á Norrænu upplýsingaskrifstofunni í síma 4627000.

This entry is filed under Halló Norðurlönd, Námskeið, Viðburðir and tagged , .

Að flytja til Danmerkur, Noregs eða Svíþjóðar

By on 26/03/2012

EURES og Halló Norðurlönd munu á næstu dögum standa fyrir upplýsingafundum um að flytja til hinna Norðurlandanna. Á fundunum gefur fulltrúi EURES góð ráð varðandi atvinnuleit og starfsmaður Halló Norðurlanda veitir hagnýtar upplýsingar um skráningu inn í landið, félagslegar bætur til barnafólks, húsnæðisleit og fleira. Fundirnir verða sem hér segir:

· Fimmtudaginn 29. mars kl. 18:00: Að flytja Danmerkur

· Fimmtudaginn 29. mars kl. 20:30: Að flytja til Noregs

· Fimmtudaginn 12. apríl kl. 18:00: Að flytja til Svíþjóðar

Upplýsingafundirnir, sem haldnir eru í húsnæði Norræna félagsins, Óðinsgötu 7 eru ókeypis og öllum opin og henta jafnt þeim sem hyggja á atvinnuleit eða stefna á nám á Norðurlöndum en einnig þeim sem flytja af öðrum ástæðum. Hafa ber í huga að fjöldi þátttakenda er takmarkaður og því er nauðsynlegt að skrá sig á upplýsingafundina. Skráning fer fram hjá Norræna félaginu í síma 5510165 og á netfanginu hallo@norden.is

This entry is filed under Námskeið, Verkefni, Viðburðir and tagged , .