Tag Archives: börn

Norræn bókasafnavika 9.-15. nóvember 2015

 Við vekjum athygli á hinni árlegu Norrænu bókasafnaviku sem haldin verður dagana 9.-15. nóvember næstkomandi. Skráning stendur yfir á heimasíðu bókasafnavikunnar http://www.bibliotek.org/is – þar sem hægt er að skrá bókasöfn, skóla og aðrar stofnanir til þátttöku endurgjaldslaust.

Þema hátíðarinnar í ár er „Vinátta á Norðurlöndunum“ og verða að vanda þrjár norrænar bækur í öndvegi ætlaðar ólíkum aldurshópum. Upplestrarbækurnar árið 2015 eru barnabókin Vöffluhjarta eftir norska höfundinn Mariu Parr, unglingabókin Skrifa í sandinn eftir færeyska höfundinn Marjun Syderbø Kjelnæs og Eglis Saga fyrir eldri lesendur. Hægt verður að nálgast textabrotin sem ætluð eru til upplestrar á heimasíðu hátíðarinnar. Þar verður einnig að finna svokallað Hugmyndakver sem hefur að geyma ýmsar upplýsingar um bókasafnavikuna ásamt fjölda sniðugra hugmynda sem hægt er að framkvæma í tengslum við hana.

Upplestur í Norræna húsinu, mánudaginn 9. nóvember kl. 10 – allir geta hlustað!

Í tilefni opnunar bókasafnavikunnar mun Norræna húsið ásamt Norræna félaginu standa fyrir upplestri í Norræna húsinu. Morguninn 9. nóvember kl. 10 mun leikarinn Ævar Þór Benediktsson (Ævar vísindamaður) lesa valda kafla úr barnabókinni Vöffluhjarta. Beint streymi (e. live stream) verður af viðburðinum í Norræna húsinu – svo að hver sem er getur farið inn á heimasíðu Norræna hússins, http://nordichouse.is/is/, til að hlýða á upplesturinn.

Þessi tækninýjung Norræna hússins gerir öllum kleift að fylgjast með, hvar sem þeir eru staddir á landinu (eða í heiminum). Nemendur gætu þá safnast saman á skólabókasafninu eða hreinlega hlustað í sinni eigin bekkjarstofu. Upptaka af upplestrinum verður öllum aðgengileg á heimasíðu Norræna hússins að upplestrinum loknum. Því verður hægt að spila upplesturinn hvenær sem er, hvort sem er í rauntíma eða síðar.

Vakni einhverjar spurningar má gjarnan senda póst á netfangið thorgunnur@norden.is.

Með von um góðar lestrarstundir!

Norræna bókasafnavikan

NBV2014Norræna bókasafnavikan fer fram á um tvö þúsund bókasöfnum og stofnunum á öllum Norðurlöndum 10.-16. nóvember.

Ríflega íslensk 120 almennings- og skólabókasöfn eru skráð til þátttöku.

Þema ársins er Tröll á Norður-
löndum
og á dagskrá eru upplestrar, fyrirlestrar og annað sem tengist því.

Kynnið ykkur dagskrá bókasafnavikunnar á ykkar bókasafni!

Myndskreyting ársins er eftir Brian Pilkington.

Dönskuklúbburinn hefur nýtt starfsár

Mynd: Johannes Jansson/norden.orgDönskukúbbur Norræna félagsins fyrir börn félagsmanna á aldrinum 8-11 ára verður starfræktur í vetur í samvinnu við Norræna húsið. Dönskuklúbburinn er fyrir börn sem kunna dönsku og hafa áhuga á að viðhalda kunnáttu sinni og tengslum við Danmörku. Kristín R. Vilhjálmsdóttir hefur yfirumsjón með starf-seminni. Dönskukúbburinn hefst 28. september með „hyggestund“ í Norræna húsinu með Susanne Elgum. Nánari upplýsingar hjá
Norræna félaginu í síma 5510165