Framhaldsnámskeið í sænsku – vormisseri 2016

Framhaldsnámskeið í sænsku verður haldið á vegum Norræna félagsins í mars/apríl 2016. Á námskeiðinu verður lögð áhersla á orðaforða og hagnýta kunnáttu. Kennari er Adolf Hólm Petersen.

Námskeiðið hefst 29. mars og lýkur 26. apríl: kennt verður á þriðjudögum kl. 18:00-19:30 og er námskeiðið alls fimm skipti. Kennslan fer fram í húsakynnum Norræna félagsins á Óðinsgötu 7, 101 Reykjavík.

Skráning fer fram á netfanginu thorgunnur@norden.is eða í síma 551-0165. Námskeiðið er eingöngu ætlað félagsmönnum Norræna félagsins sem greiða 8.600 krónur í þátttökugjald. Námskeiðið fellur niður ef lágmarksþátttökufjöldi næst ekki.

Auðvelt er að gerast félagi í Norræna félaginu. Félagsaðild kostar 3.500 kr. á ári / 1.750 kr. fyrir 18-27 ára og 67 ára og eldri.