Félagsstarf og nefndir

Norræna félagið starfar í félagsdeildum um allt land. Starf félagsdeilda er mjög fjölbreytt, en víða er kjölfesta deildanna norrænt vinabæjasamstarf, ungmennaskipti, viðburðahald og samstarf við viðkomandi sveitarfélag um norræn verkefni. 

Innan stjórnar Norræna félagsins eru starfræktar fjöldi nefnda sem eru opnar félagsmönnum að starfa í.

Ef þú hefur áhuga á að starfa með Norræna félaginu í einhverri nefnd vinsamlegast hafið samband við skrifstofu Norræna félagsins á norden@norden.is eða asdis@norden.is

Þær eru:

Menningarmálanefnd; formaður Margrét I. Ásgeirsdóttir

Hlutverk og markmið nefndarinnar er:

Nefndin skal vera fulltrúi Norræna félagsins  í menningarstarfi svo sem að taka menningarmál til kynningar og umræðu á fundum og að skipuleggja heimsóknir félagsmanna á menningarviðburði. Einnig er nefndin tengiliður við sambandsstjórn Norræna félagsins.  Menningarnefnd ber ábyrgð á menningardagskrá Norræna félagsins og að hún sé aðgengileg félagsmönnum t.d. á vefsíðu félagsins og miðla til deilda upplýsingum um verkefni er aðrir geta nálgast.  Menningarnefnd tryggir tengsl grasrótarinnar við Norræna félagið.

Menningarmálanefnd styður við aðrar nefndir eftir þörfum.

Skólanefnd; formaður Þorlákur Helgason

Hlutverk og markmið nefndarinnar er:

Miðla upplýsingum um möguleg verkefni á milli skóla til aðildafélaga skólanefndar Norræna félagsins.  Skólanefnd hefur frumkvæði að senda upplýsingar til tengdra aðila.  Vakta námskrá grunnskóla/framhaldsskóla í norrænum tungumálum / norrænni sögu, menningu.

Vinna náið með skólafulltrúa Norræna félagsins þegar og ef sú staða er mönnuð annars framkvæmdastjóra félagsins.

Norden I skolen, norræna bókmenntavikan og möguleiki á lýðháskólanámi er meðal verkefna skrifstofu í skólamálum.

Efla samstarfið við ungmennadeild, fjárhagsnefnd og skrifstofu.  Vinna með skrifstofu að námskeiðum, ráðstefnum og fundum.

Ritnefnd; formaður Jóngeir Hlinason

Hlutverk og markmið nefndarinnar er:

Að sjá til þess að þeir miðlar sem Norræna félagið notar (facebook, Instagram, vefsíða, fréttabréf á netinu) séu ávallt uppfærðir og í notkun. Ritnefnd 2019-2021 er falið að hefja vinnu við að taka saman drög að 100 ára sögu Norræna félagsins á Íslandi.Ritnefnd er falið að standa fyrir öflugu kynningar- og fræðslustarfi um starfssemi Norræna félagsins og norræn málefni.

Ritnefnd er falið að skipuleggja greinaskrif sem hægt er að birta í blöðum. Þá er ritnefnd falið að halda námskeið og eða vinnufundi fyrir félagsdeildir vegna upplýsingamála.

Fjárhagsnefnd; formaður Skúli Thoroddsen

Hlutverk og markmið nefndarinnar er:

Hlutverk fjárhagsnefndar er að leita að leiðum til að auka fjárframlög til Norræna félagsins í þeim tilgangi að auka félagsstarfið. Nefndarmenn taka að sér að leiðbeina deildum um möguleika til fjáröflunar.  Nefndin stendur fyrir námskeiði fyrir deildir Norræna félagsins og tekur saman upplýsingar um hvar hægt sé að sækja um styrki og til hvers. Nefndinni er ætlað að vinna með deildum að öflum styrkja. Fjárhagsnefnd er ætlað að vinna náið með skrifstofu Norræna félagsins og gjaldkera félagsins.

Markmiðið er að forsvarsmenn deilda og nefnda Norræna félagsins hafi á einum stað upplýsingar um hvar hægt sé að fá styrki og hvaða verkefni eru í gangi.

Ungmennanefnd; formaður Iris Dager

Hlutverk og markmið nefndarinnar er:

Að efla þátttöku ungs fólks á norrænu samstarfi og mikilvægi þess.

Stuðla að samskiptum og innihaldsríku samstarfi um mikilvæg samfélagsmarkmið.

Ungmennanefndin vinnur með Ungmennadeild Norræna félagsins og skrifstofu Nf að skipulaggningu viðburða, funda, ráðstefna og annarra viðburða.

Vinabæjarnefnd; formaður Sigurður Jónsson

Hlutverk og markmið nefndarinnar er:

Styðja við vinabæjasamstarf og önnur samskipti milli Norðurlanda eins og það getur best orðið hverju sinni. Styrkja og efla samstarf þar sem ekki eru vinabæjakeðjur með það í huga að samstsarfið geti orðið milli 2 bæjarfélaga eða fleiri allt eftir viðfangsefnum samtímans. Hvetja til ungmennasamskipta milli bæjarfélaga.

Styðja við deildir félagsins við að skapa tengsl við bæjarfélög á hinum Norðurlöndunum í þeim tilgangi að læra af og deila reynslu.

Afmælisnefnd; formaður Sif Gunnarsdóttir

Hlutverk og markmið nefndarinnar er:

Afmælisnefnd skal undirbúa ýmiskonar hátíðarhöld vegna 100 ára afmælis Norræna félagsins á Íslandi 2022 og skila fyrstu tillögum til sambandsstjórnar, eigi síðar en í lok árs 2020.

Laganefnd; formaður Jóngeir Hlinason, meðstjórnendur; Iris Dager, Skúli Thoroddsen

Nefndin er skipuð af sambandsstjórn til að yfirfara lög Norræna félagsins og færa þau til nútímahorfs. Nefndin skal hafa samráð við allar helstu stofnanir Norræna félagsins og skila tillögu að nýjum lögum til sambandsstjórnar fyrir árslok 2020

Uppstillingarnefnd; Kristján SveinssonIris Dager, Kristín Br. Davíðsdóttir,