Lýðháskólinn á Álandseyjum

Ålands Folkhögskola, eða Folkis eins og skólinn er gjarnan kallaður, er lýðháskóli í fallegu umhverfi á Álandseyjum. Skólinn er staðsettur í Finström, um 25 km norðan við Mariehamn. Skólinn var stofnaður árið 1895 og leggur áherslu á samfélag, sköpun, persónulegan þroska og sjálfstæði nemenda. Kennsla fer fram á sænsku og skólinn býður bæði ungu fólki og fullorðnum upp á tækifæri til að prófa nýja hluti, þróa áhugamál sín og finna nýjar leiðir í námi og starfi.

Meðal námsleiða er eins árs handverksnám þar sem nemendur kynnast meðal annars keramík, textíl, vefnaði, málmsmíði, trésmíði og myndlist. Skólinn býður einnig upp á NYAlinjen, eins árs nám fyrir ungt fólk sem vill undirbúa sig fyrir frekara nám, auk styttri námskeiða og annarra námsúrræða. Námið einkennist af verklegri kennslu, skapandi starfi og sterkri áherslu á samfélag og samvinnu.

Folkis er góður kostur fyrir þau sem vilja verja tíma á Álandseyjum, bæta sænskuna og upplifa norrænt lýðháskólasamfélag í einstöku eyjaumhverfi.

→ Ålands Folkhögskola

Eftirfarandi námsleiðir eru í boði:

→ Hantverk