Norræna bókmenntavikan 2026: 9.–15. nóvember

Þema ársins er lýðræði á Norðurlöndum. Lesið er upp úr þremur bókum:

Fyrir börn: Hvem bestemmer noget? eftir Jesper Wung-Sung og Jenny Lucander

Fyrir ungmenni: Kepler62: Invitationen eftir Timo Parvela og Bjørn Sortland

Fyrir fullorðna: De kommer att drunkna i sina mödrars tårar eftir Johannes Anyuru

→ Skráðu skóla, bókasafn eða aðra stofnun

Norræn bókmenntavika er verkefni á vegum Sambands norrænu félaganna þar sem norræn frásagnarlist og sagnaauður er í öndvegi. Leitast er við að efla lestrargleði og breiða út norrænar bókmenntir á Norðurlöndunum og nágrannalöndum.

Meginmarkmið Norrænu bókmenntavikunnar er að lýsa upp svartasta skammdegið með því að tendra ljós og lesa bók. Vikan er sneisafull af alls kyns viðburðum - svo sem upplestrum, umræðum, sýningum og öðrum menningarviðburðum - sem eiga sér stað samtímis á þúsundum bókasafna, skóla og annarra samkomustaða víðsvegar á Norðurlöndum og nærliggjandi löndum.

Norræna bókmenntavikan skiptist í tvo þætti: annars vegar Morgunstund - upplestur fyrir börn og hins vegar Rökkurstund - upplestur fyrir fullorðna.

Þátttaka í Norrænu bókmenntavikunni er öllum að kostnaðarlausu og krefst eingöngu skráningar og áhuga þátttakenda. Hægt er að skrá sig á heimasíðunni endurgjaldslaust.

Skráðu skólann þinn, bókasafnið eða stofnunina og taktu þátt í einum stærsta upplestrarviðburði Norðurlandanna! Þannig getum við í sameiningu skapað einstakan viðburð - þar sem norrænar bókmenntir lifna við í skammdegisrökkrinu.

→ Skráðu skóla, bókasafn eða aðra stofnun