Stutt og snörp málstofa um arfleifð og framtíð menningarminja í Færeyjum, Grænlandi og Íslandi verður haldin í Norræna húsinu, fimmtudaginn 26. mars nk. frá kl. 16:30 – 18.00. Skipuleggjendur málstofunnar eru Vestnorræna ráðið og Íslandsdeild Vestnorræna ráðsins. Sögufélag er samstarfsaðili ásamt Norrænu ráðherranefndinni, Norræna félaginu, Félagi fornleifafræðinga, Fornleifastofnun Íslands og Minjastofnun Íslands.
Vera Illugadóttir verður fundarstjóri og kaffihlé er fyrir kaffiþyrsta á milli dagskrárliða.
Dagur Norðurlanda; Framtíð lýðræðisins
Við höldum uppá Dag Norðurlanda með ráðstefnu í Norræna húsinu þriðjudaginn 24. mars kl 09.00. Dagskráin verður tileinkuð stöðu lýðræðisins með tilliti til ástandsins í heiminum. Danski sjónvarpsmaðurinn Clement Kjersgaard verður með erindi um hvort lýðræði sé á undanhaldi. Viðburðurinn verður streymt. Ath. erindi og pallborð verða á ensku
Færeysku kosningarnar – um hvað er kosið?
Dönsku kosningarnar
Hvernig er samstarfi norrænna þingmanna háttað og hvað brennur á þeim nú um stundir?
Við auglýsum eftir verkefnastjóri - Afleysing vegna fæðingarorlofs
Verkefnastjóri hjá Norræna félaginu - Afleysing vegna fæðingarorlofs
Norræna félagið leitar að metnaðarfullum verkefnastjóra til að stýra Nordjobb á Íslandi, lýðháskólastyrkjum Norræna félagsins og öðrum tilfallandi verkefnum félagsins. Um er að ræða 100% starf verkefnastjóra til 12 mánaða frá 1. júní 2026. Æskilegt er að viðkomandi geti hafið störf á vormánuðum og unnið nokkrar klukkustundir á viku í samvinnu við núverandi verkefnastjóra.
Helstu verkefni:
Umsjón með Nordjobb á Íslandi
Samskipti við vinnuveitendur og umsækjendur innan Nordjobb verkefnisins.
Samvinna við starfsfólk og verkefnastjóra Nordjobb á hinum Norðurlöndunum.
Skipulagning og framkvæmd kynningarstarfsemi Nordjobb til að efla þátttöku íslenskra ungmenna.
Skrif á umsóknum og skýrslum.
Ábyrgð á þróun og framkvæmd verkefna tengdum atvinnu og menntun ungmenna á Norðurlöndunum.
Önnur tilfallandi verkefni félagsins.
Hæfnikröfur:
Framúrskarandi samskiptahæfni
Skipulagshæfileikar og sjálfstæð vinnubrögð
Sterkur áhugi á málefnum ungmenna á Norðurlöndunum
Mjög góð kunnátta í einu skandinavísku tungumáli (danska, norska eða sænska) í rituðu og töluðu máli
Góð íslenskukunnátta í rituðu og töluðu máli
Þekking á vinnumarkaðsmálum er kostur.
Góð þekking á notkun samfélagsmiðla er einnig kostur.
Við bjóðum upp á:
Frábær tækifæri til að þróast í starfi
Regluleg ferðalög innan Norðurlandanna tengd verkefnum
Skrifstofuaðstöðu í miðbæ Reykjavíkur
Frekari upplýsingar:
Um er að ræða 100% starfshlutfall frá júní 2026 til 12 mánaða. Æskilegt er að viðkomandi geti hafið störf nokkrum mánuðum fyrr, í hlutastarfi og unnið samhliða núverandi verkefnastjóra.
Viðkomandi þarf að hafa mikla hæfni í að vinna á fjölmenningarlegum vettvangi þar sem samstarfsfólk er staðsett á öllum Norðurlöndunum.
Ef þú hefur áhuga á að taka þátt í spennandi verkefnum á sviði atvinnu og menntunar ungmenna á Norðurlöndunum, þá hvetjum við þig til að senda inn umsókn með því að smella hér.
Umsóknarfrestur er til og með 22. febrúar 2026. Allar nánari upplýsingar eru veittar á norden@norden.is
Framhaldsaðalfundir Norrænu félaganna á Akureyri, Siglufirði og Ólafsfirði 31. janúar n.k.
Framhaldsaðalfundir og stofnfundur hins nýja sameinaða félags, Norræna félagið á Norðurlandi, verður haldinn laugardaginn 31. janúar nk kl. 11:00 í Zontahúsinu á Akureyri.
Við hvetjum alla til að mæta og taka þátt í starfi félagsins. Hægt er að skrá sig í félagið hér
Norðurlöndin – kaffiklúbbur eða stórveldi
Grímulaust vald hinna sterku grefur nú undan alþjóðareglum og siðuðum samskiptum þjóða. Meðal annars þess vegna verða Norðurlöndin í mun ríkari mæli að koma fram sameiginlega á alþjóðavettvangi í stað þess að birtast sem átta smáríki. Þannig skrifa Hrannar Arnasson, Lars Barfoed, Maiken Poulsen Englund, Pyry Niemi og Torbjörn Nyström, formenn Norrænu félaganna á Íslandi, Danmörku, Álandseyjum, Svíþjóð og Færeyjum.
Nordjobb fagnar 40 ára afmæli ........og þér er boðið
Í fjóra áratugi hefur Norræna félagið í gegnum samnorrænt verkefni þess, NORDJOBB, aðstoðað ungt fólk á Norðurlöndunum við að finna starf, sækja sér nýja reynslu og upplifa það að búa í öðru norrænu landi.
Að því tilefni ætlum við að fagna saman og líta yfir farinn veg. Gestum gefst tækifæri til þess að hlusta á reynslusögur fyrrum Nordjobbara og vinnuveitenda. Við fáum einnig fleiri gesti til liðs við okkur sem hafa tengingu við verkefnið og aðra aðila úr heimi stjórnmálanna sem vinna að norrænum málefnum.
Framhaldsaðalfundur deilda Norræna félagsins á Ísafirði og Patreksfirði
Boðað er til framhaldsaðalfundar í Norræna félaginu á Ísafirði og Patreksfirði laugardaginn 18. október nk. kl. 13:15 í Safnahúsinu á Ísafirði, við Eyrartún.
Boðið er uppá kaffiveitingar.
Sjáumst sem flest og tökum þátt í starfi hins sameinaða Norræna félags Vestfjarða frá fyrsta degi. Hægt er að skrá sig í Norræna félagið hér: