Lýðháskólar í Færeyjum
Í Færeyjum er fjölbreytt úrval námsleiða í lýðháskólum:
Rótin, Klaksvík
Føroya Fólkaháskúli, Þórshöfn
Ítróttaháskúlin í Suðuroy, Vági
Føroya Fólkaháskúli
Lýðháskólinn í Færeyjum, Føroya Fólkaháskúli, er skóli fyrir skapandi fólk, þar sem áhersla er lögð á myndlist, sviðslistir, færeyska menntun og færeyskt samfélag. Námið fer aðallega fram á færeysku, en alþjóðlegir nemendur eru velkomnir í skólann og fá aðstoð í náminu í formi tungumálanámskeiða og þýðinga. Lýðháskólanám í Færeyjum er góður kostur fyrir ungmenni sem hafa áhuga á að upplifa öðruvísi ævintýri í frábærum skóla.
Føroya Fólkaháskúli býður upp á námskeið bæði á vorönn og haustönn. Háskúlin er frábær skóli fyrir ungmenni sem hafa áhuga á að prófa skapandi námsgreinar á öllum sviðum.
Haust- og vornámskeið
Føroya Fólkaháskúli býður upp á tvö löng námskeið þar sem nemendur búa í skólanum. Haustnámskeiðið stendur í fimm til sex mánuði og vornámskeiðið í tólf vikur; vornámskeiðið 2027 stendur frá 8. mars til 30. maí. Kennt er í þremur greinum: myndlist, menningu og umhverfi, og þverfaglegum listsmiðjum þar sem unnið er meðal annars með kvikmyndir, tónlist, ritlist og handverk. Farið er í vettvangsferðir, nemendur taka sjálfir þátt í heimilishaldinu og engin próf eru tekin.
Kennt er á færeysku. Nemendur sem búa utan Færeyja þurfa að vera orðnir 18 ára þegar námskeiðið hefst. Skólagjald er 3.950 DKK á mánuði og í því er allt innifalið, húsnæði, fæði og námsefni. Íslendingar geta sótt um í Føroya Fólkaháskúla og geta fengið námsstyrk frá Norræna félaginu.