Lýðháskólastyrkur
Útgreiðsla styrkja vegna skólaársins 2025–2026. Styrkirnir verða greiddir út í lok október eða byrjun nóvember 2026, í síðasta lagi 6. nóvember. Seinkunin stafar af töfum á greiðslum til félagsins. Við biðjumst velvirðingar á biðinni.
Á hverju ári veitir Norræna félagið styrki til íslenskra ungmenna vegna náms í norrænum lýðháskólum. Styrkurinn er háður fjárveitingu frá Nordplus.
Skilyrði til styrkveitingar:
skráning í ungmennadeild Norræna félagsins (Ung norræn)
fylla út umsóknareyðublað
námstími skal vera að lágmarki 12 vikur
skila inn lokaskýrslu að náminu loknu
skila inn diplóma/staðfestingu á námsdvöl frá skólanum
Hægt er að skrá sig í ungmennadeild Norræna félagsins hér. Ungmenni innan þrítugs greiða ekkert.
Umsókn
Umsóknarfrestur fyrir haustönn eða heilt skólaár: 15. september
Umsóknarfrestur fyrir vorönn: 15. janúar
Skýrsla
Síðasti skiladagur skýrslu og diplóma/staðfestingar á skólavist á skólaárinu: 15. júlí
Upphæð
Upphæð styrksins er háð fjárveitingu frá Nordplus. Öll sem uppfylla skilyrðin og skila ofangreindum gögnum fá styrk og upphæðin deilist jafnt á milli umsækjenda. Síðustu ár hefur styrktarupphæð verið 40.000 – 60.000 ISK á önn.
Styrkurinn er greiddur út einu sinni á ári, fyrir liðið skólaár, í september.
Fyrirspurnir: norden@norden.is / s. 551 0165