Þann 20. september samþykkti aðalfundur Norrænu félaganna í Vogum, Reykjanesbæ og Suðurnesjabæ að sameina félögin frá og með þeim degi í eitt félag. Félagið heitir Norræna félagið á Suðurnesjum.

Lög voru einnig samþykkt fyrir félagið og stjórn kosin ásamt skoðunarmönnum.

Stjórn Norræna félagsins á Suðurnesjum skipa Oddný G. Harðardóttir formaður, Jónína Holm, Eydís Hentze Pétursdóttir, Ivan Frandsen, Johan D. Jonsson og Margrét Ásgeirsdóttir.

Tilgangur félagsins er að efla norrænt samstarf á öllum sviðum samfélagsins, efla frið og skilning Norðurlandaþjóðanna þeirra á milli og annarra þjóða út á við.

Þriðjudaginn 23. september fagnar Vestnorræna ráðið 40 ára afmæli. Í tilefni þess bjóða Vestnorræna ráðið og Norræna félagið í samvinnu við Alþjóðamálastofnun Háskóla Íslands og Norrænu ráðherranefndina uppá málþing þar sem staða svæðisins er rædd. Málþingið er í Norræna húsinu 23. september frá 16.30 - 18.45.

Fundarstjóri er Bogi Ágústsson fjölmiðlamaður, fv formaður Norræna félagsins

Boðað er til framhaldsaðalfundar í Norræna félaginu í Vogum, Reykjanesbæ og Suðurnesjabæ laugardaginn 20. september kl. 11:00 í sal Rauða krossins á Suðurnesjum að Smiðjuvöllum 8 í Reykjanesbæ.
Dagskrá

Höfuðborgarmót í Nuuk 5. – 9. mars 2026, skráningu lýkur 30. september 2025.

Dagana 5. til 9. mars 2026 verður haldið Höfuðborgarmót Norrænu félaganna í Nuuk. Öllum félagsmönnum í Norræna félaginu er velkomið að taka þátt hvort sem þeir búa í sjálfri höfuðborginni eður ei. Skráning er til 30. september 2025. Þátttökugjald er ISK 20.000 (DKK 2.000). Þátttakendur greiða sjálfir fyrir flug og gistingu.

Um hvað er kosið í Noregi 8. september nk.?

Á fundi Norræna félagsins föstudaginn 5. september kl. 16:30 munu Bogi Ágústson fréttamaður, Herdís Sigurgrímsdóttir stjórnmálafræðingur  og Stefán Skjaldarson fv. sendiherra Íslands í Noregi fjalla um kosningarnar og hvaða valkostum og möguleikum kjósendur í Noregi standa frami fyrir.

Aðalfundur deildar Norræna félagsins á Ísafirði verður haldinn miðvikudaginn 10. september nk. í veitingastaðnum Dokkunni, Sindragötu 17, Ísafirði og hefst hann kl. 17:00.

Helsta verkefni fundarins er að afgreiða tillögu um sameingu deildar félagsins við deild Norræna félagsins í Vestur-Barðastrandarsýslu (Vesturbyggð) undir merkjum nýrrar sameinaðar félagsdeildar Norræna félagsins á Vestfjörðum.

Aðalfundur Norræna félagsins á Akureyri verður haldinn sunnudaginn 22. júní næstkomandi, í menningarhúsinu Hofi, Mói bistro. Aðalfundurinn hefst kl. 16:00
Helsta verkefni fundarins er að afgreiða tillögu um sameingu félagsins við aðrar félagsdeildir Norræna félagsins á Norðurlandi (á Siglufirði og Ólafsfirði) undir merkjum Norræna félagsins á Norðurlandi.

Hvað getum við gert til að skapa áhuga hjá ungu fólki á Norðurlöndunum og hvernig hjálpum við þeim að nálgast áhugavert efni þar um. Norræn málstofa um tungumál, tengsl og tækifæri í skólastarfi verður á vegum Norræna félagsins og Norden i skolan í Norræna húsinu, miðvikudaginn 21. maí kl 14.00. Öll velkomin og aðgangur ókeypis.

Deildir Norræna félagsins í Reykjanesbæ, Borgarnesi og á Höfuðborgarsvæðinu eru með ársfundi sína á næstunni. Í Reykjanesbæ er hann 13. maí, Borgarnesi 22. maí og á Höfuðborgarsvæðinu 27. maí. Helsta verkefni fundanna í Reykjarnesbæ og Borgarnesi er að afgreiða tillögu um sameiningu deildarinnar við aðrar félagsdeildir Norræna félagsins á sama svæði til að styrkja starfssemi deildanna. Aðalfundur Norræna félagsins á Höfuðborgarsvæðinu er hefðbundinn aðalfundur með hefðbundinni dagskrá.

Stiftelsen Barbro og Sune Örtendahls fond í Svíþjóð stendur fyrir málstofu um norræn miðaldaefni í samvinnu við Þjóðminjasafn Íslands og Kakalaskála í Skagafirði. Málstofan í Þjóðminjasafninu verður laugardaginn 5. apríl kl 13.00 í fyrirlestrasal Þjóðminjasafnsins og í Kakalaskála í Skagfirði sunnudaginn 6. apríl kl 13.00. Við hvetjum félagsmenn Norræna félagsins til að mæta.